Eternal Playlist Urn – 係一個由Spotify同Liquid Death黑色幽默聯乘嘅骨灰龕Speaker。 官方概念係「人生有 BGM，死後都要有 BGM」，仲話係「全球首個可以播放串流音樂嘅骨灰龕」。官方指個骨灰龕除左係喇叭，其實真係可以用嚟裝骨灰，純粹定位係偏向惡搞同收藏性質多啲。

價錢：售價 495 美元，美國限定發售，大約全球只限量 150 個，基本上係收藏級玩物。

外觀同用料：純白極簡風骨灰盅造型，用聚酯樹脂製造，大約 7 x 7 x 11 吋，重約 2.4 磅。

規格：喇叭藏喺龕蓋入面，採用無線藍牙喇叭， USB‑C 充電，可以同手機／平板連線播 Spotify。

為左配合依個Speaker，Spotify另外都推出左Eternal Playlist Generator，唔使買骨灰龕都可以玩得到。用家只需要回答幾條問題，例如「你死後想要咩氣氛？」、「你做鬼會發出咩聲？」之類，再配合你平時嘅聽歌習慣，佢就會幫你砌一個專屬歌單。

有得揀你又會唔會買個骨灰龕Speaker擺係個廳度呢？

圖片來源：Liquid Death & Spotify